匠心 · 始於初心

圖畫得靚，唔代表住得舒服

做住宅設計，最花時間嘅唔係畫圖，係搞清楚你哋一家點生活：邊個瞓邊間房、衫褲鞋襪有幾多、煮飯定叫外賣多。呢啲搞清楚，收納同動線先會啱用。

• 30 年住宅經驗，公屋、居屋、私樓、村屋都做過
• 自設廠房，板材、五金、尺寸自己跟，唔靠外判
• 報價逐項列明：做咩、用咩料、幾錢，寫清楚
• 每月只接兩三單，工地有人跟，唔會開完工就冇人理

由「紅褲仔」學徒，到 30 年手藝

我嘅職業生涯，由擔任「領隊」開始。嗰陣我學識咗最重要嘅一樣嘢：服務，係要確保客人喺旅程結束後，發自內心同我講一句「Thank you」。

後來轉戰裝修設計界，由「紅褲仔」學徒做起，當年由月入兩萬幾跌到四千蚊，嗰種心理落差真係好難捱。但我性格硬頸，心諗：只要係可持續發展嘅行業，我就要做到最好。

由搬運物料到工地實務，每一寸空間嘅規劃，都係我喺地盤入面「磨」返嚟；以前冇電腦輔助，我就由零開始自學 3D 繪圖，慢慢累積做住宅室內設計嘅實戰經驗。

對我嚟講，設計唔係紙上談兵，而係將你嘅需求，紮實地變成一個可居住嘅空間。喺呢行打滾 30 年，見盡太多呃呃騙騙嘅手段。裝修，係咪一定要盲目追求數量，最後搞到粗製濫造？我嘅答案係：「絕不妥協」。

與其接十單八單倒模工程，我寧願每個月精雕細琢兩三單，確保每一間屋都經得起時光嘅考驗。

—— 匠心國際設計 創辦人